TFF Yatoa Tamko Sakata la Kotei Kumpiga Beki wa Yanga

Shirikisho la Soka Tanzania (TFF) kupitia kwa Mwenyekiti wa Kamati ya Waamuzi, Salum Umande Chama, amelitolea ufafanuzi suala la mchezaji wa Simba, Mghana, James Kotei kumpiga beki wa Yanga, Gadiel Michael.

Chama amesema kuwa tukio hilo ni la kawaida kwenye mpira wa miguu kama mengine ambayo yamekuwa yakitokea kila mara mchezoni.

Mwenyekiti huyo ameeleza kitendo cha Kotei kutokuadhibiwa ndani ya mchezo huo ni kutokana na Mwamuzi Jonesi Rukiyaa kutoliona tukio lenyewe.

Chama amesema yawezekana Rukiyaa hakuwa katika engo nzuri na ndiyo maana ikapelekea akashindwa kutoa maamuzi ambayo wengi walikuwa wanayawazia.

Kutokana na uwepo wa tukio hilo katika mechi hiyo iliyowakutanisha watani wa jadi Simba na Yanga, Chama amesema linapaswa kupitia kwenye kamera za video kabla ya kutoa maamuzi.

Aidha, kiongozi huyo ameeleza kuwa kwa sasa hawezi kuliongelea zaidi na badala yake kamati husika itakaa na kuja na majibu mazuri zaidi kwa baadaye.