Young Killer Ampa Onyo Kali 'Young' Mwenzake

Baada ya msanii kutoka Temeke Young Tuso kumchana Young Killler kuwa ni miyeyusho, mzinguaji na aliwahi kumnyima collabo, Killler ameongea na eNEWZ leo hii na kumuonya Tuso kuwa awe ana nidhamu na muda wa wasanii wenzake.



Young Killer amesema alikataa kufanya collabo na Young Tuso kwa sababu ailishafanya kolabo na mwisho wa siku hakuona wimbo huo ukitoka.

''Mimi sitaki ushabiki kwenye kazi ni lazima uwe na nidhamu kwenye kazi ili uweze kufanya vizuri. Anachofanya Young Tuso ni kutoheshimu muda wa mtu ila nilivyomkatalia kufanya collabo nyingine naamini akimuomba msanii mwingine atakuwa na heshima'', amesema Young Killer.

Lakini pia Young Killer ameiambia eNEWZ kwamba kitendo cha  wimbo aliofanya na Young Tuso ambao mpaka leo haujatoka ndiyo kilichompelekea kukataa kufanya nae kazi nyingine.

Killer amemaliza kwa kuweka wazi kuwa alimshangaa sana alipoanza kusikia kuwa msanii huyo anajiita Mfalme wa Temeke bila kujali kuwa kuna akina Juma Nature na anaona kitendo hicho ni kuwavunjia heshima wakongwe hao.