Presha bado inazidi kuiandama club ya Man United kutokana na mwenendo wa timu yao msimu huu, baada ya kuripotiwa kuwa kwa sasa wachezaji wa Man United wanakuwa na presha kubwa zaidi wanapocheza katika uwanja wao wa nyumbani wa Old Trafford, Jose Mourinho kafunguka.
Kocha wa Man United Jose Mourinho amefunguka kuwa kama kuna mchezaji wa kikosi chake anaona au anakuwa na presha kubwa kucheza game katika uwanja wao wa nyumbani wa Old Trafford wenye uwezo wa kuchukua mashabiki zaidi ya 70000, basi abaki nyumbani aangalie mechi kwenye TV.
“Kama unahisi ni presha kucheza Old Trafford baki nyumbani utazame game kwenye TV, kama kuna mashabiki watakuja kutusapoti waje sihisi presha kucheza katika uwanja wa nyumbani, nafikiri itakuwa ni kuwakosea heshima mashabiki wetu kwa kusema kuwa tunapendelea kucheza ugenini zaidi, ukiniuliza natamani kucheza na Young Boys kesho Bern au hapa nitachagua hapa Old Trafford”>>>Jose Mourinho
Maneno hayo yamekuja kutokana na Man United kutofanya vizuri zaidi katika uwanja wake wa nyumbani na ukizingatia wamekuwa na matokeo mazuri ugenini kuliko nyumbani, katika michezo 9 waliyocheza Old Trafford, Man United wamefanikiwa kupata matokeo chanya katika michezo mitatu.
.webp)
.jpg)