Mwili wa Mama Mercy Anna Mengi Umewasili Nchini Kuagwa Leo Lugalo

Mkuu wa Mkoa wa Dar es Salaam, Paul Makonda ameungana na Mwenyekiti Mtendaji wa makampuni ya IPP Dkt.  Reginald Mengi, familia, ndugu, jamaa na marafiki katika kupokea Mwili wa mmoja wa waanzilishi wa makampuni ya IPP Mama Mercy Anna Mengi.


Mwili wa marehemu, Mama Mercy Anna Mengi ukiwa umewasili katika viwanja vya ndege vya Mw. J.K Nyerere, jijini Dar es salaam na kuzungukwa na waombolezaji.

Mwili huo umewasili nchini majira ya saa 9 Alasiri leo Novemba 7, ukitokea nchini Afrika Kusini ambapo alikuwa akipatiwa matibabu katika hosptali ya Mediclinic Morningside ya Johannesburg na alifariki duniani tarehe Oktoba 31, 2018.

Aidha Mwili wa mama Mercy Anna Mengi unatarajiwa kuagwa kesho katika ibada itakayofanyika katika kanisa la Azania Front na kisha kusafirishwa kuelekea Machame Moshi kwaajili ya maziko Jumamosi Novemba 10 ,2018.