Polisi Dar Yaua Majambazi 6 na Kukamata Silaha Mbali Mbali

Kamanda wa Polisi Kanda maalumu ya Dar amesema leo Novemba 29, 2018 katika maeneo ya Ufi-Ubungo Polisi wamefanikiwa kuwaua majambazi sita

Pia katika tukio hilo Polisi ilikamata silaha aina ya AK 47 tatu, magazini 8, risasi 217 za AK 47 pamoja na mabomu ya kutupa kwa mkono zaidi ya 8

Pia, walikamata kitambulisho chenye namba OP 0216239 kilichoandikwa jina la Theofili Manikariza, mkazi wa Rukana-Rugombo nchini Burundi

Majambazi hao waliuawa kutokana na mtego uliowekwa na Polisi na kwamba walikuwa wamejipanga kuja kufanya uhalifu katika benki za jijini Dar

Katika Majambazi hao kulikuwa na wenye mafunzo kama Willy Ilakozes ambaye ni komandoo na raia wa Burundi, pia yupo Mtanzania Omary Nassoro

Aidha, jambazi huyo Willy Ilakozes amekuwa akitafutwa kwa kufanya matukio mbalimbali ya unyang'anyi wa kutumia silaha ikiwemo ya kuvamia benki ya NMB-Temeke na kuua Askari wawili