Sheikh Afunguka Kuhusu Matatizo ya Rose Muhando "Kunasehenu Amemkosea Mungu Njia Sahihi ni Kupiga Goti Kuomba Toba"

Sheikh Abdulrazack ambaye ni mlezi wa kiroho wa wasanii wengi hapa bongo, amefunguka juu ya matatizo yanayomkabili msanii wa muziki wa Injili nchini, Rose Muhando.


Akizungumza na Big Chawa kwenye Planet Bongo ya East Africa Radio, Sheikh Abdul Razak amesema kwamba mwanamuziki huyo atakuwa amemkosea Mungu kwa namna yoyote ile, hivyo njia sahihi ya yeye kumaliza matatizo yake ni kupiga goti na kuomba toba.

Akiendelea kuzungumzia hilo Sheikh Abdulrazak amesema kwamba binadamu yeyote ambaye kweli moyoni mwake ana Mungu, hawezi pitia anayopitia Rose Muhando, kwani hakuna uchawi unaoweza kupanda kwenye Mungu, hivyo ni vyema kwa yeye mwenyewe kuamua kumrudia Mungu.

“Lazima uelewe kitu kimoja, mtu yeyote ambaye ndani yake kuna nafsi ya ufalme wa Mungu, hawezi kudhuriwa na wachawi, hawezi kudhuriwa na ushirikina, kuna mitihani Mungu atakupa, ni kujaingalia tu wapi alimuacha Mungu, wapi alimkosea Mungu, pale alipomkosea Mungu ndiyo funguo pekee ya yeye kurekebisha hayo yaliyoharinika, yeye mwenyewe Rose Muhando kuna sehemu kamkosea Mungu, hapo ndipo pa kutengeneza, yeye mwenyewe apige goti”, amesema Sheikh Abdulrazak.

Ikumbukwe kwamba Rose Muhando alikuwa Muislam lakini aliamua kukoka na kuanza kuimba nyimbo za injili, lakini hivi karibuni zilisambaa video zake akiombewa mapepo, huku akionekana akiwa amedhoofika kiafya.