Ujumbe wa Mourinho baada ya kutimuliwa Man United

Jose Mourinho ametoa ujumbe katika vyombo vya habari tofauti barani Ulaya akijivunia kufanya kazi na klabu kama Manchester United.

Mourinho alibainisha kuwa alifanya kazi na watu wa kipekee huko Manchester United pamoja na klabu zote alizozitumikia na kwamba urafiki wake na baadhi yao utazidi kudumu.

"Siku zote jambo likifikia tamati naheshimu uamuzi na sipendi kulizungumzia tena.Nina tumai vyombo vya habari vitauheshimu msimamo wangu na kutoniingilia maisha yangu ya binafsi mpaka pale nitakapoamua kurudi kwenye soka.Nawatakieni Krismasi yenye furaha.",alisema Jose Mourinho.

Manchester United ilisaini mkataba na kocha Jose Mourinho mnamo Mei 2016.

Siku chache zilizopita,klabu hiyo ilimfuta kazi kocha huyo.