Bata Mpweke Zaidi Duniani Afariki

Trevor, ambaye alikuwa akifahamika kama bata mpweke zaidi duniani amefariki baada ya kushambuliwa na mbwa kwenye kisiwa kimoja cha mbali kwenye bahari ya Pasifiki.

Trevor alikuwa maarufu sana kwenye kisiwa kidogo cha Niue kutokana na kuwa ndege pekee wa aina yake kuishi kwenye kisiwa hicho.

Aliwasili kisiwani hapo mwaka 2018, hata hivyo haijulikani ni kwa namna gani alifika kisiwani hapo.

Tundu Lissu atamudu vishindo vya uchaguzi ndani ya Chadema?
Ronaldo aing'arisha Juventus, Tottenham hoi
Alikuwa akiishi kwenye dimbwi lililokuwa pembezoni mwa barabara, na alikuwa akihudumiwa na kupewa chakula na wenyeji wa eneo hilo.

"Alionekana hapa Niue mwezi Januari 2018 baada ya kutokea gharika kubwa, tunaamini alipaa ama alipeperushwa mpaka kufika hapa," amesema Rae Findlay, mkuu wa chama cha wafanyabiashara wa Niue ambaye pia alifungua ukurasa wa Facebook wa bata huyo .

"Inaaminika kuwa ametokea New Zealand lakini kuna uwezekano akawa ametokea Tonga ama kisiwa kingine cha bahari ya Pasifiki.

Paka atumwa kama kifurushi posta
Mwanamke ang'atwa na nyoka chooni
Katika maisha yake mafupi na ya furaha kisiwani Niue, Trevor aliishi kwenye dimbwi.

"Hakuna mito, chemchem ama maziwa hapa, hivyo Trevor alichagua kuishi kwenye dimbwi," Bi Findlay ameiambia BBC.

Japokuwa ametambulika kama bata mpweke, maisha yake hayakuwa ya kipweke kabisa.

Dimbwi la Trevor lilikuwa likikaguliwa mara kwa mara na watu waliokuwa wakimjali. Kikosi cha zimamoto cha kisiwa hicho kilikuwa kikijaza maji dimbwi hilo pale maji yalipokuwa yakikauka.