Timu ya Bongo Movie na Bongo Fleva Leo Uwanja wa Taifa wamecheza mechi kabla ya mchezo wa kumtafuta mshindi wa tatu wa mashindano ya SportPesa Cup unaotarajiwa kuanza saa 8:00 kati ya Simba na Mbao.
Kocha wa timu ya Bongo Fleva, Masoud Kalama 'Kalapina' amesema wamepata ushindi wa bao 1-0 leo mbele ya Bongo Movie kutokana na jitihada za wachezaji Uwanjani.
"Wachezaji wamejituma na wameonyesha uwezo walionao ndani ya Uwanja hali iliyotupa matokeo kwetu ni furaha kupata ushindi," alisema Kalapina.
Bao la Bongo Fleva lilifungwa dakika ya 46 na mshambuliaji Fobby Official huku safu ya ushambuliaji ya Bongo Movie iliyokuwa chini ya Vincent Kigosi 'Ray' ikiambulia patupu
.webp)
.jpg)