Kocha wa timu ya Chelsea yenye maskani yake jijini London Uingereza Maurizio Sarri ameweka wazi kuwa amefuta mawazo yake ya kumuweka Sokoni beki wake wa kibrazil Emerson Palmieri aliyekuwa anawaniwa na Juventus, baada ya mchezo dhidi ya Tottenham kumalizika.
Awali kulikuwa na taarifa kuwa muda wowote kabla ya dirisha la mwezi Januari kufungwa beki Emerson mwenye umri wa miaka 24 angeuzwa katika timu hiyo kutokana na kutokuwa na nafasi, huku Juventus ndio ikipiga chapuo ya kunasa saini ya nyota, Sarri baada ya kuvutiwa na uchezaji wa Emerson katika mchezo dhidi ya Tottenham uliomalizika kwa Chelsea kushinda 2-1 ila wakaitoa Tottenham kwa penati 4-2.
“Kiukweli Emerson ataendelea kubakia na sisi, Emerson kwetu ni muhimu anaimarika, nilikuwa na matatizo kidogo kumuweka katika kikosi cha kwanza kwa sababu hatukuwa timu ambayo tunacheza phisic” alisema Sarri
Sarri aliandika katika ukurasa wa twitter wa Chelsea akieleza kuwa nyota huyo hawezi tena kuuzwa atabakia darajani, taarifa hizo sasa zinakuwa pigo kwa klabu ya Juventus ambayo ilikuwa inapewa nafasi kubwa ya kumchukua kutokana na awali kudhihirika kuwa hana nafasi.
.webp)
.jpg)