Simba Yamtangaza Meneja Mpya

Simba Sports Club Limited leo imemtangaza Patrick Rweyemamu kuwa meneja mpya wa timu hiyo inayoshiriki Ligi ya Mabingwa Afrika na Ligi Kuu Bara.

Rweyemamu aliyewahi kuwa meneja wa timu hiyo, amepewa umeneja huo akimrithi Richard Robert aliyesimamishwa na Shirikisho la Soka Tanzania (TFF) kwa kile kilichoelezwa kuwazuia wachezaji wa Simba kuingia kwenye kambi ya Taifa Stars.

Kwa mujibu wa taarifa ambazo imezipata Salehjembe, Rweyamamu mara baada ya kutangazwa ameanza rasmi kazi kwenye klabu hiyo leo.

“Rweyemamu ndiye meneja wetu mpya ambaye tayari ameatanzwa rasmi na viongozi leo na haraka ameanza kazi na timu hiyo,”alisema mtoa taarifa huyo.

Alipotafutwa Rweyemamu kuzungumzia hilo alikiri na kusema kuwa “Ni kweli kabisa mimi ndiye meneja mpya na tayari nimeanza kazi leo.