PAUL Makonda Kushughulikia Maeneo Matatu Taifa Stars

Mkuu wa mkoa wa Dar es salaam Paul Makonda ambaye ni Mwenyekiti wa kamati ya kusaidia Taifa Stars, amesema leo Februari 25, 2019, baada ya kukutana na wajumbe wa kamati hiyo wamekubaliana kushughulikia mambo matatu muhimu.


''Kwasababu ni mara ya kwanza kukutana tumewakaribisha viongozi wa TFF ili kuweza kuyatambua vizuri majukumu yetu na kimsingi tumeyaelewa na tutasimamia kuhakikisha timu yetu inapata ushindi''.

Makonda amesema eneo la kwanza ambalo watasimamia kama kamati ni kuhakikisha timu inarudi kwa wananchi kwani timu ya taifa ni ya wote na sio ya kikundi fulani.

Jukumu la pili Makonda amelibainisha kuwa ni kuhakikisha timu inafanya maandalizi mazuri kuelekea mchezo wa kufuzu AFCON 2019 dhidi ya Uganda mwezi ujao.

Jukumu la tatu ni kuhakikisha timu hiyo inakuwa vizuri kwenye suala la kifedha ili kusaidia watu wengine kufanya majukumu yao vizuri bila kuwaza kutafuta pesa.

Kamati hiyo inaundwa na:-

1. Paul Makonda - Mwenyekiti
2. Hersi Said - Katibu
3. Salum Abdalla
4. Faraj Asas
5. Mohamed Dewji
6. Farouk Barhoza
7. Mohamed Nassor
8. Patrick Kahemele
9. Teddy Mapunda
10. Philimon Ntaihaja
11. Farid Nahid,