Sugu ambana Waziri Bungeni kuhusu Uwanja wa Ndege Mbeya

Mbunge wa Mbeya Mjini (CHADEMA), Joseph Mbilinyi 'Sugu' ameibana serikali akiitaka ikamilishe maboresho ya uwanja wa ndege wa Songwe mkoani humo.

Leo Bungeni amesema uwanja huo umekuwa ni changamoto kubwa kwa ndege kutoa hasa wakati kuna hali ya hewa ua ukungu.

"Sasa hivi hata kukiwa na ukungu kidogo kwa sababu hakuna taa, ndege haitui. Mimi mwenyewe
nimerudi Dar mara mbili kwa sababu ndege ilishindwa kutua,” amesema Sugu.

Akijibu swali hilo Waziri wa Ujenzi, Mawasiliano na Uchukuzi, Mhandisi Isaac Kamwele
amesema serikali ipo katika mchakato wa kutangaza tenda ili uwanja huo kufanyiwa marekebisho.

"Tunatangaza tenda mwezi huu na hadi mwezi wa tatu tutakuwa tumeshampata mkandarasi na kukamilisha runway itachukua miezi miwili," amesema.

Ameendelea kwa kusema mara baada ya kukamilika kwa ukarabati wa runway ndipo serikali itatangaza tenda nyingine ya kukarabati jengo la abiria kwenye uwanja huo.