Afariki dunia akishangilia ushindi wa Simba dhidi ya AS Vita

Shabiki wa klabu ya mabingwa watetezi wa ligi kuu soka Tanzania Bara Simba SC, Piter Kiliti amefariki dunia wakati akishangilia ushindi uliyopata timu yake dhidi ya AS Vita Club.

"Tumepokea kwa masikitiko taarifa za kifo cha shabiki wetu, Ndg Peter Kiliti ambacho kimetokea Wilaya ya Mpanda, Katavi wakati akishangilia ushindi tuliyoupata dhidi ya AS Vita ambao umetuwezesha kufuzu kucheza hatua ya robo fainali ya ligi ya Mabingwa Afrika," imesema Simba SC kupitia ukurasa wao wa Instagram.