Kocha wa AS Vita Kumsaidia Aussems Mbinu

Wachezaji wa Klabu ya Simba sc waliokuwa katika timu ya Taifa ya Tanzania Taifa Stars, watajiunga rasmi na timu hiyo siku ya kesho Machi 27, 2019 na kuendelea na mazoezi ili kujiwinda na mchezo wao wa ligi kuu Tanzania Bara dhidi ya Mbao FC.


Kushoto ni Florent Ibengé na Patrick Aussems

Akizungumza na www.eatv.tv kocha mkuu wa timu hiyo Mbelgiji Patrick Aussems amesema hawezi kuzungumza mchezo huo kutokana na kuwa na siku 5 za maandalizi huku akiweka wazi kuwa wanaendelea na mazoezi pamoja na kusubiri wachezaji waliokuwa timu ya Taifa watakapowasili Kesho ili kupanga ratiba rasmi ya mazoezi.

Aidha Aussems amesema anaendeleaje kupata taarifa juu ya wapinzani wake katika robo fainali ya michuano ya Ligi ya Mabingwa Afrika TP Mazembe, kutoka kwa marafiki zake mbalimbali akiwemo Frolent Ibenge wa AS Vita Club ya Congo na Kocha mkuu wa Klabu ya CS Constantine ya Algeria Denis Lavagne.

Simba SC itarejea dimbani Jumapili kupambana na Mbao FC ya Mwanza katika mwendelezo wa ligi kuu Tanzania Bara, huku Mbao ikiwa ndio timu pekee iliyoifunga Simba katika ligi kuu Tanzania Bara msimu huu.