Manara amsaka mtoto shabiki lialia wa Simba

Baada ya kusambaa kwa video hivi karibuni inayomuonesha mtoto shabiki wa Simba akijigamba na uwezo wa timu hiyo, Afisa Habari wa Simba, Haji Manara ametangaza kumtafuta mtoto huyo.


Katika ukurasa wake wa Instagram, Manara ameweka video ya mtoto huyo akiambatanisha na ujumbe unaosema kuwa kwa mwenye taarifa za mtoto huyo awasiliane naye.

Hv huyu Mtoto ntamuona wapi? Hebu mwenye huyu Bitozi mwenzangu wa baadae anidiem nimjue huyu Chakaramu wangu!! Hebu msikilize anavyoitamka hyo MK 14  Pls Pls nikutanisheni na huyu HB mtarajiwa

Pia jana, Machi 7, Mwenyekiti wa Bodi ya Wakurugenzi wa klabu ya Simba, Mohamed Dewji 'Mo' alimzungumzia mtoto huyo kuwa ni shabiki halisi wa Simba na anapenda kuona kizazi kijacho kikiendelea kuipenda klabu hiyo.

Niliwekeza kwenye soka sababu nina mapenzi makubwa na Simba. Napenda kuona kizazi kijacho cha mashabiki wetu wanaipenda timu kwa kiwango hiki. Simba ni ya wakubwa, vijana na watoto.