Mbunge CCM amwambia Lowassa afadhali alikosa Urais

Mbunge wa Simanjiro, James Ole Milya amemwambia Waziri Mkuu Mstaafu Edward Lowassa ni afadhali alikosa urais ndani ya Chama Cha Demokrasia na Maendeleo (CHADEMA), kwa kile alichokidai kuwa hakukuwa na watu ambao kiongozi angeweza kufanya nao kazi.


Waziri Mkuu Mstaafu Edward Lowassa

Kauli hiyo ameitoa wakati wa kumpokea Waziri huyo Mkuu mstaafu Jijini Arusha alipokuwa akirejea rasmi ndani ya CCM ambapo viongozi mbalimbali wa chama hicho walizungumza.

Mbunge James Ole Milya amesem, "mzee Lowassa mimi ni kijana wake alinilea kisiasa, tangu nikiwa kiongozi wa vijana CCM mkoa wa Arusha, ninamfahamu upendo wake kwa nchi hii."

"2015 wewe kutokuwa rais wa nchi hii hakika Mungu hakukosea, kwa sababu ungeongoza nchi na CHADEMA hakuna watu wenye uwezo wa kuongoza nchi", ameongeza Ole Milya

Machi 1, 2019 Waziri Mkuu Mstaafu Edward Lowassa alitangaza kurudi CCM baada ya kutokea CHADEMA kwa kile alichokisema kuwa amerudi nyumbani.