Rosa Ree Atoa Siri ya Gari Lake

SIKU kadhaa baada ya kuanika gari aina ya BMW nyekundu, staa wa kike anayekimbiza katika Muziki wa Hip Hop Bongo, Rosary Iwole ‘Rosa Ree’ ametoa siri ya gari hilo kuwa amekuwa mtu wa kumshirikisha Mungu katika kila jambo lake. Akichonga na Za Motomoto, Rosa Ree anayetikisa na ngoma kibao ikiwemo Dow alisema kuwa, anashangazwa na wasanii wanaposema kuwa muziki haulipi wakati hawajitumi katika kazi zao pamoja na kumshirikisha Mungu katika maombi.

“Muziki unalipa asikwambie mtu kitu, ukiufanya kama biashara na kama kitu ambacho unakipenda basi na wenyewe hauwezi kukuangusha. “Napenda kazi yangu na namshirikisha Mungu kila hatua ndiyo maana leo nina nguvu za kusimama na kusema nimejinunulia gari yangu sio menejimenti ni mimi mwenyewe kutokana na kazi yangu ya muziki,” alisema Rosa Ree.