Nyika Arudisha Fomu ya Kugombea Tena Nafasi Aliyojiudhuru Yanga

Wakati Yanga ikiwa katika harakati kambambe hivi sasa kuelekea uchaguzi mkuu wa klabu hiyo, jumla ya watu 28 mpaka sasa wamesharudisha fomu za kugombea nafasi mbalimbali za uongozi ndani ya klabu hiyo.

Katika orodha ya majina hayo, jina la aliyekuwa Mwenyekiti wa Kamati ya Utendaji, Mjumbe wa Kamati ya Utendaji na Mwenyekiti wa Kamati ya Usajili, Hussein Nyika limo katika orodha.

Ikumbukwe Nyika alitangaza kuachia ngazi hiyo huku akiwaomba radhi wanachama na mashabiki wa Yanga kumsamehe kama kuna mabaya aliyafanya kipindi cha uongozi wake.