Rai hiyo imetolewa jana April 18,2019 ,Bungeni jijini Dodoma Naibu waziri wa afya maendeleo ya jamii jinsia wazee na watoto Dokta. Faustine Ndugulile wakati akijibu swali la mbunge wa Njombe mjini , Mhe.Edward Frans Mwalongo liliohoji serikali ina mpango gani wa kuwahudumia wagonjwa wa akili wanaozurura mitaani katika mavazi ,matibabu na makazi huku mbunge wa Rombo ,Joseph Selasini akihoji juu ya kufufua vituo vya ushauri nasaha kwa wagonjwa wa akili.
Katika majibu yake , Dokta.Ndugulile amesema magonjwa ya akili yanatibika na huduma hizo zinatolewa bure hivyo ameiasa jamii kuacha tabia ya kuwanyanyapaa na kuwabagua kwa imani za kishirikina na badala yake wawaibue pindi wanapowaona na kuwapeleka katika vituo vya Afya.
Hata hivyo,Naibu waziri Ndugulile ameezea jinsi wizara ilivyojipanga kutoa huduma za Afya huku akizungumzia juu ya sheria ya Afya ya akili ya mwaka 2008 sehemu ya 3 kifungu cha sheria No.9 Kifungu kidogo cha kwanza hadi cha tatu kinaeleza wazi juu ya jukumu la maafisa polisi,maafisa usalama,maafisa ustawi wa jamii ,viongozi wa dini,maafisa watendaji wa kata na vijiji jukumu la kumchukua mtu yeyote anayerandaranda na kumfikisha sehemu ya uchunguzi wa magonjwa ya akili na ikithibitika taratibu za matibabu huanza mara moja .
Dokta Ndugulile anavitaja visababishi vya magonjwa ya afya ya akili ikiwa ni pamoja na kurithi,matumizi ya dawa za kulevya, na hali ya maisha ambayo hupelekea msongo wa mawazo ambapo kwa sasa kuna wimbi la ugonjwa wa Sonona.
Wilaya ya Ulanga mkoani Morogoro ni miongoni mwa Wilaya zenye magonjwa ya akili kwa wingi hususan ugonjwa wa kifafa huku wizara ya Afya ikiendelea kufanya utafiti juu ya tatizo hilo na Watafiti wasema mmoja kati ya wagonjwa 10 wa maradhi ya akili ni kutokana na kuvuta bangi.
.jpg)
.jfif)