Katibu Mkuu wa CCM, Dkt. Bashiru Ally amewashangaa baadhi ya WanaCCM wanaompigia chapuo Rais Magufuli kuendelea kuongoza hata baada ya kipindi chake kuisha na kusema kukubali jambo hilo litokee ni kuvunja utaratibu wa chama
-
Katika hoja hiyo, alitoa mfano wa kauli tata ya Mkuu wa Mkoa wa Mbeya, Albert Chalamila aliyesema anatamani kibaki chama kimoja cha siasa kitakachoitwa “Magufuli Ruling Party” na kusisitiza kuwa kauli hiyo si msimamo wa chama
-
Ameeleza kuwa kwa kauli hiyo ya RC Chalamila, ambaye alikuwa Mwanafunzi wake katika masomo ya sayansi ya siasa Chuo Kikuu Dar es Salaam, anapaswa kurudishwa tena darasani kufundishwa siasa
-
Alisema “CCM tuna mkakati wa kuanzisha vyuo vya siasa kwa ajili ya kuwapika vijana watakaosaidia katika masuala ya uongozi. Tayari nimeshawasilisha jina la Mkuu huyu wa mkoa awe miongoni mwa wanafunzi wa kwanza watakaofaidika na elimu hiyo."
-
Aidha, akizungumzia siasa za ushindani, alisema bado CCM inaheshimu mfumo wa vyama vingi kwa kuwa unapanua uwezo wa kufikiri, alisisitiza kuwa “CCM hatutatamani wala kupanga siku moja kuua upinzani."
.jpg)
