Haya yanajiri siku moja baada ya Mueller kufafanua sababu iliyomzuia kumfungulia Rais Trump mashitaka ya kujaribu kuzuia mchakato wa kimahakama. Kupitia ukurasa wake maarufu wa mtandao wa twitter, Trump ameandika leo kwamba anafanyiwa unyanyasaji ambao haujawahi kumkabili rais mwingine katika historia ya Marekani.
Vile vile ameukosoa uchunguzi ulioongozwa na Robert Mueller, akiuita 'windo la kumsaka mchawi' ambalo limegharibu dola milioni 40. Akizungumza hapo jana kwa mara ya kwanza tangu kuchapishwa kwa ripoti ya uchunguzi wake, Mueller alisema kumfungulia mashtaka Trump haikuwa mojawapo ya malengo ya uchunguzi, kwa sababu kanuni za wizara ya sheria ya Marekani haziruhusu uchunguzi dhidi ya rais aliyeko madarakani.
.jpeg)
