Maandamano ya Georgia: Maelfu wavamia bunge baada ya mbunge wa Urusi kuhutubia

Watu wapatao 240 wamejeruhiwa katika makabiliano wakati waandamanaji walipojaribu kuvamia bunge la Georgia baada ya mbunge wa Urusi kukalia kiti cha Spika katika bunge la Georgia.

Polisi wa kutuliza ghasia waliwazuwia kuingia ndani ya jengo la bunge , kwa kutumia gesi za kutoa machozi na risasi bandia.

Ghadhabu ililipuka pale mbunge Sergei Gavrilov alipohutubia kongamano la Wabunge kutoka nchi za Wakristo wa thehebu la Orthodox .


Urusi kuwafungulia nyangumi kutoka 'jela'
Hali ya uhasama baina ya Georgiana Urusi iliibuka miaka , 11 baada ya nchi hizo mbili kuingia vitani kufuatia kujitenga kwa jimbo la Ossetia kusini.

Zidi ya watu 100 bado wanaendela kupata matibabu hospitalini saa kadhaa baada ya makabiliano yaliyotokea Ijumaa , wanasema maafisa wa Georgia . Miongoni mwa watu 240 waliojeruhiwa , 80 ni polisi wamesema.

Daktari ameviambia vyombo vya habari vya eorgia kuwa watu wawili wamepoteza uwezo wa kuona.