Makonda Atimiza Ahadi Yake Awakabidhi Yanga Uwanja Kigamboni

Mkuu wa Mkoa wa Dar es Salaam, Paul Makonda ametekeleza ahadi aliyoitoa Juni 15, 2019 kwenye harambee ya kuichangia Yanga (Kubwa Kuliko) ambayo aliahidi kutoa eneo Kigamboni kwa ajili ya klabu hiyo.



Leo Juni 21, 2019 Makonda amekabidhi hati ya eneo aliloahidi kwa Yanga. Pia amekabidhi eneo kwa TFF ambalo aliahidi jana kwenye harambee ya kuichangia timu ya Taifa ya Tanzania 'Taifa Stars' kwa ajili ya kujenga kituo cha michezo.



"Uwanja niliowapa Yanga thamani yake ni Tsh. Mil. 700 na kiwanja nilichowapa TFF thamani yake ni Tsh Bil. 1.5 jumla ni Bil 2.2," amesema RC Makonda.