Mwakyembe Awaomba Watanzania Kuichangia Timu ya Taifa ‘Taifa Stars

WAZIRI wa Habari, Utamaduni, Sanaa na Michezo, Dkt Harrison Mwakyembe amewaomba Watanzania kuichangia Timu ya Taifa ‘Taifa Stars’ ambayo ipo Misri kwa ajili ya michuano ya #AFCON2019



Mwakytembe amesema hayo leo Jumatatu, Juni 17, 2019 wakati akizungumza na wanahabari kuhusu maandalizi ya Stars ya kuanza kwa AFCON.



“Siku ya Alhamisi asubuhi tutakuwa na zoezi kubwa ambalo litaluwa LIVE kwenye mitandao na television mbalimbali na kwenye radio ambapo tutafanya uchangiaji wa Taifa Stars. Nawahakikishia kila shilingi itakayopatikana itakwenda kwa vijana wetu, wasishindwe kwa kuvunjika moyo,” amesema Dkt. Mwakyembe.



Dkt. Mwakyembe amesema, fedha zitakazochangwa si kwa ajili ya kuipeleka timu Misri na kuirudisha, hatuhitaji kuwaweka kwenye hotel nzuri (hayo yote yameshafanyika) tunahitaji kufanya kitu ili timu yetu ifanye vizuri, motisha.



“Leo hii Tanzania inajivunia kwamba ukitaja ma-striker wakubwa duniani huwezi ukamkosa Samatta, Mungu atupe nini? Ndio kipindi chetu, dunia sasa hivi inatambua Tanzania ipo mpaka hapa tulipofikia,” amesema Dkt. Mwakyembe.