Pogba Mbioni Kurudi Italia

Klabu ya Juventus imeonesha nia ya kutaka kumsajili tena kiungo wa klabu ya Manchester United Paul Pogba.

Mabingwa hao wa Italia wamewasiliana na wakala wa mchezaji huyo Mino Raiola kuhusu kumsajili raia huyo wa Ufaransa.

Pogba mara ya kwanza alijiunga na Juventus kwa uhamisho huru mwaka 2012 baada ya kushindwa kupata nafasi katika kikosi cha kwanza Old Trafford.

Kiungo huyo aliweza kuitumia miaka minne kwa mafanikio akiwa Turin kabla ya kujiunga tena na Manchester United mwaka 2016 kwa rekodi ya Dunia ya £89m.