Hospitali ya Muhimbili Wafunguka Hali ya Azim Dewji Baada ya Kupata Ajali Mbaya

Msemaji wa Hosptali ya Taifa ya Muhimbili kitengo cha mifupa( MOI) Patrick Mvungi, amethibitisha uwepo wa mfanyabiashara Azim Dewji katika hospitali hiyo ambapo kwa sasa anaendelea vizuri.


Akizungumza leo Julai 27, 2019 majira ya saa 11:30 jioni Mvungi amesema, Azim walimpokea Julai 26  majira ya jioni, ambapo kwa mujibu wa ripoti ya madaktari mfanyabiashara huyo ameumia sehemu ya mgongo.

''Anaendelea vizuri tulimpokea jana na bado anaendelea na matibabu, aliumia kwenye mgongo ndio kitu kilichopelekea aletwe kwetu'' amesema msemaji wa MOI.

Azim Dewji alipata ajali jana Julai 26, wakati akielekea wilayani Rufiji Mkoa wa Pwani, katika uzinduzi wa mradi mkubwa wa umeme wa Rufiji uliozinduliwa na Rais Dkt John Pombe Magufuli.