Juventus waisaka saini ya Romelu Lukaku kwa udi na uvumba

Miamba ya soka kutoka ligi ya Serie A, klabu ya Juventus imeripotiwa kuwa ipo tayari kumtoa mshambuliaji wao, Paulo Dybala kwa Mashetani Wekundu Manchester United ili kuweza kupata saini ya Romelu Lukaku ambaye pia anawindwa na timu ya Inter Milan.


Wakati dirisha la usajili likitarajiwa kufungwa Agosti 8, United inahaha kuhakikisha inapata mbadala wa Lukaku endapo ataondoka ndani ya timu hiyo.

Kwa mujibu wa Tuttosport, United inakaribia kufikia makubaliano na Juventus kwa kushuhudia Mbelgiji huyo akitimkia kwa vibibi vizee vya Turin huku Dybala akitua Old Trafford.