John Legend amtangazia vita Rais Donald Trump ‘Anavijitabia vya kijinga, Lazima tumtoe madarakani’

Msanii wa muziki nchini Marekani , John Legend ameeleza hisia zake juu ya utawala wa Rais wa Taifa hilo, Donald Trump kwa kudai kuwa Rais huyo ameshindwa kuziunganisha jamii za watu weusi na wale weupe na badala yake anaendelea kuchochea uhasama.

Legend akiongea na TMZ jana Jumatano Julai 31 , 2019, Amesema kuwa “Nadhani Rais wetu anavijitapia vya kijinga, Mtu ambaye badala ya kutukutanisha yeye ndio kwanza anatugawa. Nadhani kuna ulazima wa kumtoa madarakani,“.

Kwa wiki mbili sasa, Rais Trump amekuwa akishutumiwa kwa kutoa kauli za kibaguzi dhidi ya wabunge wanawake nchini Marekani.

Rais Trump alitamka wazi kuwa Wabunge wanne wa Chama pinzani cha Democrats, ambao asili yao sio Marekani waondoke nchini humo.