Zari si Mchezo....Afunguka Kuzaa Watoto Kumi...Uwezo wa Kuwalea Anao

Mwanamama ambaye mfanyabiashara maarufu Zarina Hassan ‘Zari The Bosslady’ amesema anapenda sana watoto na ikibidi anaweza kufikisha idadi ya watoto kumi kama Mungu atamjaalia.

Zari ambaye ni mzazi mwenza wa Diamond Platnumz amesema hayo wakati akifanyiwa mahojiano na mtandao wa Millard Ayo amesema watoto ni baraka kubwa kwani watu wa kizazi kilichopita walikuwa wakizaa watoto wengi na kuleta faraja kubwa wakati kunapokuwa na tukio linalowakutanisha wanafamilia.

“Kwanza natamani kuwa na watoto kumi, unajua watu wa zamani walikuwa wanazaa, ukiangalia familia za zamani mara unakuta watoto kumi. Ukifika wakati wa Christmas kunakuwa na mkusanyiko mkubwa, binamu, nani…..siku hizi ikifika Christmas unakuta katoto kamoja tu..hapana, mimi napenda sana mambo ya asili, nataka watoto kumi.”

Amesema kuzaa ni baraka na zawadi kubwa kutoka kwa Mungu kwani kuna wanawake wengi ambao wanahangaika kupata watoto lakini hawapati.

Amesema kwa kuwa uwezo wa kuwalea wote anao hana sababu ya kuogopa kuzaa.

Zari ameweka wazi ikiwezekana basi mpenzi wake wa sasa ambaye ndiye mume mtarajiwa atamzalia mapacha kama ikishindikana hata kwa njia ya kutumia mama mbadala.