MSAFARA wa wachezaji 22 wa Simba umeondoka leo asubuhi kuelekea mkoani Kagera kupambana na Kagera Sugar lakini kiungo Mzambia, Clatous Chama na beki Gadiel Michael wenyewe hawakuwa sehemu ya msafara huo.
Chama na Gadiel ni sehemu ya wachezaji ambao wamepigwa chini katika safari hiyo na kubakia Dar kutokana na kutokuwa fiti. Mchezaji mwingine aliyeachwa ni John Bocco.
Kocha mkuu wa Simba, Mbelgiji Patrick Aussems ameliambia Championi Jumatano, kuwa wamelazimika kuwaacha wachezaji hao kutokana na kutokuwa sawa kufuatia kuwa na shida zao binafsi.
“Baada ya mazoezi ya leo (jana) katika safari yetu wameongezeka watu ambao hawataenda Kagera. Mwanzoni alikuwa Bocco tu ila sasa Chama na Gadiel nao hawataenda.
“Watabaki Dar kwa sababu wana matatizo, kwa hiyo ndiyo maana tumewaacha hapa na hawatakuwa na timu katika mchezo huo na Kagera.
.webp)
.jpg)