NAHODHA Msaidizi wa Azam FC, Frank Domayo amesema wanakila sababu ya kushinda mchezo wao wa kimataifa wa Kombe la Shirikisho Afrika dhidi ya Triangle ya Zimbabwe.
Tambo hizo ni kutokana na maandalizi mazuri pamoja na kuanza kucheza uwanja wa nyumbani wa Chamazi uliopo Dar es Salaam, mechi hiyo itachezwa keshokutwa Jumapili.
Azam walitinga hatua hiyo baada ya kuwatoa Kenema ambapo mechi ya kwanza Azam ikiwa ugenini ilifungwa bao 1-0 huku mechi ya marudiano ilishinda bao 3-1.
Domayo alisema wana faida kubwa kuanza uwanja wa nyumbani hivyo wana kila sababu ya kufanya vizuri ili kupunguza kazi ya kufanya ugenini na kuongeza kuwa wao kama wachezaji wapo fiti kutoa burudani kwa Watanzania na kupata ushindi.
"Tumefanya maandalizi ya kutosha kila mchezaji yupo kwenye ari nzuri makubaliano yetu ni kufanya vyema uwanja wa nyumbani ili kupunguza kazi ugenini, tunataka kuingia hatua ya makundi,"
"Timu yetu imekamilika kuanzia safu ya ushambuliaji, kiungo na hata mabeki wapo kwenye moto kuhakikisha haturuhusu bao lolote hapa na kwao," alisema Domayo
.jpg)
