Mume Mtarajiwa wa Irene Uwoya Azua Gumzo Mitandaoni

HUKO Instagram wewe wape picha tu, maelezo watajaza wenyewe! Umbea mpya unaosambaa mitandaoni kwa sasa ni juu ya picha inayodaiwa ni ya mume mtarajiwa wa muigizaji Irene Uwoya ambaye jina lake halijafahamika.

 Picha hiyo inamuonesha Uwoya akiwa amekaa kwenye eneo ambao lina maputo huku jamaa huyo akiwa nyuma yake na mkono mmoja akiwa amemshika Uwoya shingoni kuashiria mahaba f’lani hivi ‘ameizingi’.

Hata hivyo, wambea wamehangaika wee kumjua jamaa huyo imeshindikana kwani usoni amezibwa kwa  kutumia emoji yenye kopa ndani yake.  “Jamani wambeya wenzangu tuhakikishe tunamchimba huyu hadi tumjue ni nani, sisi siyo watu wa mchezomchezo,” alichangia mmbeya mmoja Insta.