Taifa Stars imelazimisha suluhu ya bao 1-1 dhidi ya Burundi katika mchezo wa kufuzu kucheza michuano ya Kombe la Dunia mwaka 2022 huko Qatar.
Stars iliyokuwa ugenini ilianza kuruhusu nyavu zake kuguswa mnamo dakika ya 80 kupitia kwa Amiss Cedric baada ya kuwapiga chenga mabeki Stars na kupiga shuti ambalo lilimuacha Juma Kaseja akiwa hana cha kufanya.
Ilichukua dakika tano pekee kwa Simon Msuva kuweza kurejesha bao kufuatia kipa na beki wa Burundi kujichanganya.
Matokeo hayo yanawapa nafasi ya kufanya vema Stars ambao watakuja kucheza tena na Burundi kwenye Uwanja wa Taifa jijini Dar es Salaam.
.webp)
.jpg)