Mkurugenzi Aliyempiga Risasi Meneja Ajisalimisha Polisi

MKURUGENZI mtendaji wa kampuni ya ulinzi ya Bonds Security, Frenk Kessy, hatimaye ametoka mafichoni na kujikabidhi kituo cha Polisi jijini Arusha na kuwekwa mahabusu baada ya kumjeruhi kwa risasi meneja wa Kampuni Vya Maxshield, Endrew Lubange,  katika ugomvi wa kugombea lindo la Mzungu.

Kessy akiwa ameambatana na wakili wake aitwaye Fidex Peter, alijikabidhi kituo cha polisi hana, majira ya jioni na kupokelewa kwa bashasha na polisi waliokuwa wakimwinda kwa udi na uvumba huku akidai kwamba alikuwa jijini Nairobi nchini Kenya kuhudhuria mkutano.

Baada ya kumpokea, polisi walimvua mkanda, saa na vitu vingine na kutakiwa kuingia selo na kwamba jalada lake nimehamishiwa katika kituo cha polisi Usa River, Arumeru,  alikofanyia tukio na leo atakabidhiwa katika kituo hicho ili taratibu zingine za kumfikisha mahakamani ziendelee