Wawili Wafariki Baada ya Daraja Kuvunjika

Watu wawili wamefariki baada ya kutumbukia mtoni wakati wakipita katika daraja linalounganisha Kata ya Tembela na Mwakibete lililovunjika kutokana na mvua kubwa kunyesha - Diwani wa Tembela, Anderson Ngao amesema watu wanne walisombwa na maji baada ya daraja hilo kuvunjika wakati wakipita, wawili hawajulikani walipo, akiwemo mtoto anayekadiriwa kuwa na mwaka mmoja - Amesema "Mtu mmoja aliyenusurika ndio shahidi wetu kwamba walisombwa na maji watu wanne, maiti moja tuliipata jana na nyingine tumeipata leo asubuhi.” - Afisa Mtendaji Kata ya Tembela, Lington Mfwango amesema daraja hilo limevunjika kwa mara ya pili na kwamba mara ya kwanza halikuleta madhara