Nicki Minaj atangaza kustaafu muziki

Msanii wa Rap kutokea nchini Marekani, Nicki Minaj anasema kwamba ameamua kustaafu muziki ili kuanzisha familia. Hata hivyo hajasema anastaafu hasa katika upande upi wa muziki wake.

Mshindi huyo wa tuzo ya Grammy anachumbiana na mpenzi wake, Kenneth Petty na tayari wameweka wazi kuwa watafunga ndoa hivi karibuni.

Mbali na muziki, msanii huyo mwenye umri wa miaka 36 ameshiriki katika filamu kadhaa za Hollywood na anamiliki kipindi chake cha redio.

Baada ya kuachilia vibao kadhaa katika miaka ya 2000, Nicki Minaj alijiunga na Drake katika kampuni ya kurekodi muziki ya Lil Wayne Young Money Entertainment.

Albamu yake ya kwanza kwa jina Pink Friday ilitolewa 2010, huku nyimbo kama Super Bass, Anaconda na Starships zikimpatia umaarufu mkubwa.