Wasanii na wapenzi wanaounda kundi la Navy Kenzo, Aika na Nahreel, wamesema wanatamani kupata watoto wengi zaidi kadri ya ambavyo, kipato chao kitakavyoongezeka na kwamba hawataki kuleta kiumbe duniani ili kiteseke.
Wakizungumza na EATV & EA Radio Digital, wawili hao wamesema wapo tayari kupata watoto wengi ila itategemea na ambavyo watafanikiwa katika maisha, ambapo kwa sasa watoto walio nao wanaweza kuwahudumia na kuwapa maisha mazuri.
"Tuna mipango ya kuwa na watoto wengi zaidi, kadri ya uwezo wetu wa kipato utakavyokuwa, unajua siku hizi mtoto naye anakuja na mipango kwahiyo lazima uangalie upo na nafasi gani katika maisha ili usije ukaleta kiumbe duniani halafu kikaja kupata shida" amesema Nahreel.
Aika na Nahreel, wamekuwa kwa pamoja kwa kipindi cha miaka 10 sasa na wamebarikiwa kupata watoto wawili wa kiume, ambao wanajulikana kwa majina ya Gold na Jamaika.
.webp)
.jpg)