Imeelezwa kuwa mama mzazi wa kichanga hicho, Hoka Maganga mkazi wa kijiji cha Bulenya alifika hospitalini hapo saa 6:00 usiku wa Desemba 13.
Mama huyo amesema alimuomba mama aliyemuiba mwanae amuangalizie mtoto wake wakati akienda kujisaidia na aliporudi akakuta ameondoka naye ndipo akaomba msaada wa kumtafuta kwa wauguzi waliokuwa zamu.
Baadhi ya wanawake waliolazwa hospitalini hapo wamesema kuwa mwizi wa kichanga hicho aliingia wodi ya wazazi saa nane usiku wa Desemba 14 akiwa ameweka nguo tumboni na kujifunika kuonesha naye ni mjamzito akiwa na beseni.
Kwa mujibu wa mgaga mkuu wa wilaya, Dk. Deus Ruta, mtuhumiwa huyo alikamatwa maeneo ya stendi kuu ya mabasi juzi asubuhi, takribani kilomita mbili kutoka hospitalini hapo akiwa na mtoto
” Nilipofika hospitalini nilikuta watu wengi huku mtuhumiwa akiwa amekamatwa na mganga mfawidhi kwa kushirikiana na wananchi” alisema Dk. Ruta.
Kwa upande wa mtuhumiwa huyo alipoulizwa kuhusu kitendo hicho alichofanya alisema hakuwa na nia mbaya kwani angeenda kumtunza vizuri mtoto huyo.
Tayari mtoto huyo amekabidhiwa kwa mama yake mzazi na afya yake inaendelea vizuri huku mtuhumiwa akikabidhiwa polisi kwa hatua za kisheria.
.webp)
.jpg)
