Aliyepata Msamaha wa Rais Magufuli Adakwa Kwa Wizi wa Ng’ombe

Mkazi wa Mikoroshini Chalinze wilayani Bagamoyo mkoani Pwani, Mustafa Malimi (23) ambaye ni mmoja ya wafungwa waliopata msamaha wa Rais John Magufuli Desemba 9 mwaka huu, anashikiliwa na Polisi kwa tuhuma za kuiba Ng'ombe.

Kwa mujibu wa taarifa iliyotolewa kwa vyombo vya habari na Kamanda wa Polisi mkoani hapo, Wankyo Nyigesa , ng'ombe aliyeibwa alikutwa amechinjwa na mtuhumiwa huyo. Nyigesa alisema tukio hilo lilitokea Desemba 11 mwaka huu saa 4:00 asubuhi huko Nero Magorofani wilaya ya Chalinze.

"Mtuhumiwa aliiba ng'ombe mwenye thamani ya Sh milioni 1.2 mali ya Otaigo Elisha (30) mkazi wa Pera Chalinze, alisema.