'Amber Lulu Amevurugwa, Hayupo Sawa' - Nuh

Msanii wa muziki Nuh Mziwanda, amesema Amber Lulu amevurugwa na akili zake hazipo sawa kwa sababu anaweza kufanya jambo lolote bila ya mtu yeyote kutarajia na likawa kubwa.

Nuh Mziwanda amesema hayo kupitia EATV & EA Radio Digital, baada ya kuulizwa penzi lake na Amber Lulu limeishia wapi kwa sababu, waliwahi kuonekana wakiwa wawili kwenye gari huku waki 'kiss'.

"Amber Lulu akili zake hazipo sawa, amevurugwa na anaamuaga kufanya kitu chochote tu mbele yako na ndivyo alivyo, mimi na watu wengine tayari tumeshamzoea na wanamjua ni mtu ambaye anapenda kula raha na kufurahi lakini hakuna kitu chochote ni mshikaji wangu tu" amesema Nuh Mziwanda.

Aidha Nuh Mziwanda ameongeza kusema "Yale yalikuwa kwenye wakati wakufurahia mimi na Amber Lulu, hakuna kingine ni mwanangu sana hata mwenyewe anajua na mashemeji zangu kwake wote nawajua, tunakuwaga pamoja ila watu hudhani kama tupo kwenye mahusiano halafu sijaonana naye muda mrefu".