Diamond Platnumz Asalimu Amri kwa Tiffah na Nillan..Ajirudi...

 DAMU nzito kuliko maji! Hili limejidhihirisha baada ya mkali anayesumbua kwenye Bongo Fleva, Nasibu Abdul ‘Diamond Platnumz’ kujirudi kwa wanawe, Latiffah Nasibu ‘Tiffah Dangote’ na Nillan Nasibu ‘Prince Nillan’.

Watoto hao Diamond au Mondi amezaa na mwanamama Zarinah Hassan ‘Zari The Boss Lady’ na amekuwa na muda mrefu bila kuonana au kuwasiliana nao laivu.

Wikiendi iliyopita, Mondi alitupia picha kwenye kipengele cha Insta Story (IS) katika ukurasa wake wa Instagram ikimuonesha akiwa kwenye mazungumzo (video call) na wanaye hao ambapo wanaishi na mama yao nchini Afrika Kusini.

Kwa mujibu wa waliyoiona ishu hiyo ambapo ilidumu kwa saa kadhaa tu kisha kupotea mtandaoni, Mondi alikuwa amewamisi mno wanaye hao hivyo kufanya jitihada za kuzungumza nao kwa njia hiyo.

Kwa muda mrefu Mondi aliamua kukaa kimya bila watu kujua anafikiria juu ya watoto wake hao baada ya kupewa katazo na Zari kufuatia kutengana mwaka jana.

Hata hivyo, sasa mambo yanaonekana kuwa mazuri baada ya kutupia picha hiyo kwenye mtandao na kuonesha kuwa kuna dalili za maelewano na kuna siku watakutana laivu.

STORI: AMMAR MASIMBA, DAR