Mchungaji Mbaroni Kwa Kuwanywesha Waumini Dawa ya Kujichubua

Mchungaji Sam Little (25) raia wa Uingereza amekamatwa nchini Uganda kwa tuhuma za kuwanywesha waumini dawa ya kujichubua na kuwaaminisha kuwa ni tiba ya miujiza inayotibu Malaria, Saratani na UKIMWI

Mchungaji huyo wa Kanisa la Global Healing Christian Missions alikamatwa baada ya gazeti la Guardian la Uingereza kufichua namna Little alivyokuwa anashirikiana na Mchungaji Robert Baldwin kutoka Marekani kusambaza dawa hiyo iliyopewa jina MMS

Mbali na Mchungaji huyo, pia walikamatwa raia wawili wa Uganda ambao walikuwa wakishirikiana naye kuwanywesha waumini dawa hiyo ambayo tangu mwaka 2010 ilikwishapigwa marufuku na Shirika la Afya Duniani (WHO) kwa kuwa ni sumu