HABARI zilizotufikia hivi punde zinasema mwandishi wa habari za uchunguzi, Bollen Ngetti, anadaiwa kutekwa na watu wasiojulikana muda mfupi uliopita leo Jumatatu, Desemba 23, 2019, maeneo ya Msasani jijini Dar es Salaam.
Tukio hili limetokea ikiwa ni siku nne tu tangu Ofisa wa Program na Elimu kwa Umma wa Kituo cha Sheria na Haki za Binadamu (LHRC), Tito Magoti, adaiwe kutekwa na watu wasiojulikana na baadaye jeshi la polisi likathibitisha kumshikilia kwa mahojiano.
Inasemekana watu waliomteka Ngetti wametokomea naye kusikojulikana. Tunaendelea kufuatilia ukweli wa taarifa hizi na tutawajuza kadri tutakavyopata taarifa zaidi.
.jpg)
