Polisi Watumia mabomu ya Machozi Kushusha Bendera za Chadema

 

Dar es Salaam. Jeshi la Polisi limeziondoa bendera za Chadema zilizokuwa zimewekwa katika barabara ya Sam Nujoma, jirani na ukumbi wa Mlimani City unapofanyika mkutano mkuu wa chama hicho kikuu cha upinzani nchini Tanzania leo Jumatano Desemba 18, 2019.

Bendera hizo ziliwekwa usiku wa kuamkia jana Jumanne Desemba 17, 2019 na baada ya chama hicho kutakiwa kuzitoa, mkurugenzi  wa itifaki, mawasiliano na mambo ya nje wa Chadema, John Mrema amesema hawakuvunja sheria kuweka bendera hizo.

Zimeondolewa jana saa nne usiku baada ya polisi  kutoa saa mbili kwa chama hicho kuziondoa.

Polisi walilazimika kutumia mabomu ya machozi kuwatawanya wafuasi wa Chadema walionekana kupinga jambo hilo.