Yanga NOMA Yaicharaza Viboko Iringa United Bila Huruma...Molinga Atupia

Mchezo wa Kombe la Shirikisho uwanja wa Uhuru kati ya Yanga na Iringa United umekamilika kwa Yanga kuibuka na ushindi wa mabao 4-0.

Yanga ilipata mabao mapema kipindi cha kwanza jambo lililowapa hali ya kujiamini zaidi.

Dakika ya 7 bao lilipachikwa kwa kichwa na nahodha, Papy Tshishimbi akimalizia pasi ya Deus Kaseke na dakika mbili mbele Patrick Sibomana alipachika bao dakika ya 9 akiwa ndani ya 18 baada ya mabeki wa Iringa United kujichanganya kabla ya bao la tatu kupachikwa na Lamine Moro kwa kichwa akimalizia pasi ya Patrick Sibomana aliyepiga kona.

David Molinga alipachika bao la nne dakika ya 68 akimalizia pasi ya Sibomana.