KIONGOZI wa upinzani nchini Kenya, Raila Odinga, amemzungumzia msaidizi wake wa zamani, Miguna Miguna, akisema hakuna mtu aliyemzuia kurejea nchini Kenya.
“Anabweka bweka huko nje kama mbwa..si akuje abweke hapa…Uhuru haogopi Miguna..Raila haogopi Miguna…nilimpatia kazi…Wacha arudi hapa Kenya,” alisema Raila jana, Ijumaa.
Raila alikuwa akizungumza mjini Kisii wakati wa ziara ya kuleta uelewano wa kitaifa nchini humo inayojulikana kama Hatua ya Kujenga Madaraja (BBI) iliyojumuisha wajumbe zaidi ya 3,000.
Miguna alikuwa amepanga kurejea nchini humo Jumanne wiki hii lakini alishindwa kufanya hivyo baada ya kushindwa kupata usafiri katika mashirika ya ndege ya Lufthansa na Air France ambayo yalikuwa yamepewa tahadhari ya kutomchukua.
.jpg)
