Wakizungumza kwa awamu tofauti wakiwemo viongozi wa dini na Serikali, akiwemo Mkuu wa Wilaya ya Hai Lengai Ole Sabaya, amesema kuwa licha ya kuwa wananchi kuwa na matatizo mengi lakini viongozi wa dini wasitumie shida zao kama mitaji ya kujinenepesha wenyewe na hata maafa yakitokea basi wawe mstari wa mbele na si kukimbia.
"Ni kweli Wachungaji wananchi wetu wanateseka sana, wana mizigo mizito, wana shida kubwa sana, lakini msigeuze kuwa ni mitaji ya kuwasaidia watu huko mlipo, tendeni kama mnavyopaswa kutendewa na yakitokea haya msikimbie" amesema DC Sabaya.
Kwa upande wake Mkuu wa Mkoa wa Kilimanjaro Anna Mghwira, amesema kuwa tukio hilo limewaogopesha sana na kwamba ipo haja ya viongozi wa dini na Serikali wakakutana na kujadiliana.
"Jambo hili limetuogopesha, limetutia hofu lakini halijatuvunja, liwe mwanzo wa kuimarisha mambo ya imani, viongozi wa dini mbalimbali tukutane na Serikali na mwisho tutawajulisha wananchi nini tumekubaliana" amesema RC Mghwira.
Aidha ameongeza kuwa, "Kuna kichanga kabisa amepoteza maisha, tunao watoto wa miaka miwili, mitatu hadi 10 na wengine watu wazima, inauma sana sisi tulioshuhudia wakati maiti zinashushwa zilikuwa za moto inauma sana".
.jpg)
