"Mimi na Irene Uwoya Hatujawahi Kuachana"-Msami

Msanii na mkali wa kucheza Msami Baby, amesema bado anawasiliana kishkaji  na mpenzi wake wa zamani Irene Uwoya, na hawajawahi kuambiana kama wameachana katika mahusiano yao.

Msami Baby amesema haijawahi kutokea yeye na Irene Uwoya wakaacha kuongea kwa sababu hawajahi kuachana kiasi cha kila mtu kufuata mambo yake.

"Irene Uwoya ni mwana pia tunawasiliana kama washkaji, kwa sababu tuwe hatuwasiliani au tugombane, sijawahi kukaa naye halafu tukawa hatuongei au hatupigi stori hata tulivyokuwa tumeachana, na kwanza hatujawahi kuachana kusema mimi na yeye basi au kila mtu awe na mambo yake" amesema Msami.

Aidha Msami Baby ameendelea kusema, ilipita miaka mitano bila ya watu kujua kama yeye na Irene Uwoya kama wapo kwenye mahusiano, kwa sababu hakuwahi kuweka mahusiano yake wazi lakini watu walijaribu kuyatafuta mahusiano yake.

Pia amesema hawezi kuahidi chochote kwenye mahusiano yake yajayo kwa sababu maisha yake hayatabiriki kwa sababu mipango mingine inapangwa na Mungu.