Jeshi la Polisi limemtaka Boniface Mwamposa kujisalimisha Polisi kwa mahojiano ya vifo vya watu 20 vilivyotokea Mjini Moshi, Mkoa wa Kilimanjaro usiku Februari Mosi, 2020
Kamanda wa Polisi mkoani humo, Salum Hamduni amesema Mchungaji wa Kanisa la Calvary Assemblies of God, Elia Mwambapa ndiye aliyeomba kibali cha kongamano hilo la siku tatu na kwa sasa Mchungaji huyo anashikiliwa na Polisi pamoja na watu wengine 6
Amesema, baada ya hilo tukio wamemtafuta sana Boniface Mwamposa maarufu kama "Bulldozer" bila mafanikio na hivyo kumtaka ajisalimishe Polisi mwenyewe
Kamanda Hamduni alifafanua kuwa, idadi ya waliokufa ni 20 hadi sasa, ambapo kati yao watoto wadogo ni wanne na watu wazima 16
